San Ferminen bueltan errepresioak bost atxilotu ekarri ditu

Ohikoa den bezala, San Ferminen bueltan errepresioak bost atxilotu ekarri ditu. Zoritxarrez, San Ferminetan ere ohituak gaude agintari eta polizia ezberdinen eskutik debeku, jazarpen, eskubide urraketa, mehatxu eta abar luze batetara. Herritarrok ditugun hainbat eskubide zeharo bortxatuak izaten dira. Hau ez da soilik festetan ematen den gertakari isolatu bat; urte osoan zehar herritarrok pairatzen dugun  eguneroko jazarpena baizik. 

UPN ren Gobernua  ahul dago. Laburbilduz;  murrizketak, iruzurra, ustelkeria, errepresioa eta abar luze bat dira hauen kudeaketa politiko penagarriaren emaitza. Honek gizarte zein komunikabideetan geroz eta isla handiagoa izaten hari du eta hau estali  edo arreta desbideratu nahian, San Ferminen biharamunak atxiloketak ekarri ditu. Oraingoan bost izan dira Iruñerriko auzo eta herri ezberdinetan atxilotutako gazteak. 

Buruturiko prentsaurrekoa, ezker-eskuinean atxilotuetako bi

Atxiloketa hauek salatzeko eta Iruñean askatasunez jarduteko eskatuz, jende andana handia bildu da Iruñeko Udal plazan atxilotuak aske gelditu diren egun berean. Atxilotuen ustez, atxiloketa hauek, "UPN ren  miseriak estaltzeko" burutu dira eta azpimarratu nahi dugu atxilotuetako batek kolpeak, ukabilkadak eta mehatxuak jasan dituela.

Kiratsa darien ustel guzti hauek jakin dezaten atxiloketa, mehatsu eta jazarpen guztien gainetik indartsu jarraituko dugula borrokan, dagokigun askatasun eta eskubideen alde!!! Eraso guztien aurrean harresi batekin topo egingo dutela, harresi menderaezin batekin!!