Espetxeak nola hustu hitz egiteko garaia denean, 80 Euskal herritar epaituko ditu udazkenean Espainiako Entzutegi Nazionalak, bi makro auzitan: Gazte mugimenduaren kontrako auzia eta "Herriko Tabernen" auzian. Auziperatuen ustez, Euskal Herriari egiten zaion eraso frontala da hau. Eta, bi auzitan egon arren, alde berean daudela ulertzen dute auzipetuek. Halaxe jarri baitituzte auzitegiek.
Estatuaren asmoak asmo, auzipetuek argi dute beren helburua: «Garai
berria ekarri eta bake iraunkorra finkatzeko ahalegina» dela.
Orain arte «ahaleginak eta bi» egin dituztela, eta ohartarazi dute
aurrerantzean ere horretan segitzeko asmoa dutela. «Oztopo guztien
gainetik», euskal herritarrentzako «garai eta aukera demokratiko
beteak» lortu arte, eginahalean jarraituko dute. «Aurre egingo diegu
makroepaiketa politiko hauei zein salbuespeneko politika guztiei, bertan
behera uztea lortu arte».
Horretarako,badakite beraiek
bakarrik ez direla nahikoa: «Elkartasuna, mobilizazioa, jendarte
zibilaren aktibazioa, herri erakunde eta instituzioen konpromisoa...
hortik dator Euskal Herriaren garai berria». Eta badute konfiantza
herritarrengan.
Horregatik, manifestazioa antolatu dute urriaren 26rako. Erasoen gainetik, Euskal Herria aurrera
leloarekin egingo dute, Bilbon. «Herritarren konpromisoaren eta
elkartasunaren bidez lortuko dugu bakearen aurkako erasoei aurre egingo
dien harresi herritarra altxatzea, konponbideari atea parez pare irekiko
dion herri indarra».
No hay comentarios:
Publicar un comentario
Nota: solo los miembros de este blog pueden publicar comentarios.